(C) 2020 Digitalkuki.com

ABOUT

HELP

POLICY

SOCIAL

MENU

Feedback

Complaint

Shipping

FAQ

Payment

Return Policy

Terms Of Use

Security

Privacy

Contact Us

About Us

Membership

STUDENT

Guide Book

Previous Q&A

Scholarship

"KA SAHNIT NUVE"

 Pile pu chunle zo chinle tuoi bolnale thimthu lelna,
Vanchoi cheng jemkoi jilla lungtoh lambang heina mun;
Doupi doute doukhom'a tolthu thangthu ginglouva,
Vangbang'a paokhom'a kinouchoi namun AW ZOUPI VANGKHO

 

Vanmang laitan hintem tuo le gal bontui bang asoh jeng?
Singcha hammol tongdonmo dumpolvon laimin kangthal pan'in,
Khuman lhancheng lham meijah banchallin adaidam joutai;
Thinglung in homkeo bang'in chulkit nantem 13th Lhalam '93? KA SAHNIT NUVE

 

Pummei choipa ang'a Sakhinou Sihtui dellut bang'in,
Naisan teotui bang long'in Luong thingpi bang kijam'e;
Sonkang Bella sonding bangin changna bang bantan in,
Bonlei changsa cheng tunin pallai cheng'in "KA SAHNIT NUVE.

 

Dingpi mol'in akhensa tongjol'a laileng Sihtui nubon,
Thuong lhung'a vaokam dim'a lilai bang veikhom kitta;
Chung pathen tunin Toigo bangchan donthah neisong kit unlang,
Lapi late to thuo'n lung-oi lenkhong beng taoving'e "KA SAHNIT NUVE"

"MUZIN LHUN"

1.Kum jatam akhang thimthu kasutnao Tamei gamkai,

Pule pa khanga pat nunkho khankho kaheinao gam,

Neosen khangol chengin nunnop melkim kagopnao,

Tuni achuljou tai Aw Zoupi Vangkho 'MUZIN LHUN'

 

2.Hoilam setlei gaosapna doule gal hung vailhung hitam?

Thijin lhungbang in kalamto taove 13th Lhalam 1993,

Themmo nabei hinkho lumlai cheng gelbang adap joutai,

Kulthing bang nasumtai Vangkhojol 'MUZIN LHUN'

 

3.Naisan bang kalon nao khang thusim in chulkit nantem?

Tamei gamkai Jangnomphai, Gelnel, Taloulong le Zoupi,

Gellunglai kahin choi komleo jaitha patbang anemme,

Zanmang hitangem tijongleng tahmel joh ahitai 'MUZIN LHUN'

 

4.Akumsim alhasim chulnan jong noujou talou khogem lai,

Dingdoh jou talou inchen neilegou puhsui hinkho cheng,

Chung Pathen tunin Solkar silung hin heithem inlang,

MUZIN LHUN akon nampi khankho sullang hinle kitmaitan..!!!

Kumtin lhang Kum kho kiheichan'a lunga mangmo nampi thimjin nikho
Ahung thounglhung kit te, 13th September!
Kol'a chavang jangtoni hungsoh,lunglainema puldouni thah in alang laizon lhakeh cheng!
Toigo bang hungdon kit din singsung  chengin khumlhan dongkot a hungtolsoh din kabol uve.

 

Aw hammol longmi Khan khotoh guija kijoplou!
Lungmol Keisa lungpu'n heijam samin gamjang aw thong jonglechun,
chunga Chungmangpa,noija noimangpan nakholhah,nanamlhah hinkailhit intin!!
Kei chinle toicheng naobang aka nao vanthongin hin ngai nante!!

 

Akum kiheijin,alha kiheijongle,
Ngaina puldouvin lainem poute, bulun manglaicha' hammol longmin,
kheplou laijon bangin lungin vopjongle!
Jangkolni hungsoh le Jalaija lunga voplou umponte kukite Black day!!

 

Echungmangin,hinhei them nante  jo-la aini ding!
Lunglai nempoute kukite, Heijam awkai tongkitolou,
makai cheng lunghin heithemo mohseh thisan hikhante selung kikholo!!
Ajo chemasa ngaiten thangvana Kon oimo tongkai hin lha khaovinte!!

 

Aw kheplou bang laijoncheng,
Najalnao gamdai daideh ponte, Jo-la ainile khangnou golchengin,
Nanghon naphal'u thisan jala Jo-la a a-ai diu chu!!
Vannoi thang KUKI tin Aovunte!!
Chunile jongle ngaina mit Twi Jong anakang DEH hih laijite lhakeh ngaicheng

Khaikhomang Haokip

S/O Jangsat Haokip of S.Hengcham village. BPO.Chehjang CCpur Dist.Manipur

1

2

3

Lily Chong Haokip

D/O (L) Thongkhothang Haokip of New Delhi

Wricky Singson

S/O (L) Khupkholal Singson of K.Salbung, Churachandpur

KUKI BLACKAY

Online Poetry & Illustration (Art) Competition Result