Aadhar number pehkhel jih a Rs.10,000 fine hithei.

Updated: Dec 27, 2019

Thangminlen Mate, Moreh



Tax pe ho ongthol nading in Income Tax Department in Permanent Account Number(PAN) khel'a Aadhar 12-digit biometric number manthei hita din phalna apetan ahi.

Ahivanga dingchang ngailheh, ajeh chu Aadhar number dihlou peh khah jeh a Rs. 10,000/- leu theina dinmun jong lhung tha. Hijeh achu mun ni a Aadhar number dihlou ipeh khah le Rs. 20,000/- kileu ding tina ahitai.


Finance Bill, 2019 a kipodoh Income Tax Act, 1961 nuoiya dan thah dungjuiya, PAN khel'a Aadhar manthei hiding ahinlah Aadhar number dihlou pehkhah a aumleh gapna um ding ahi.

Hiche gapna dan thah hi ahileh, Income Tax Department dan dungjuiya PAN mantei nading dinmun hya, ahinlah PAN neilou le adang² jeh a Aadhar joh man a, Aadhar number dihlou pe kha ho chunga bou lhungding ahi.


Vetsahna in: Income Tax Return(ITR) bolna a, bank account honna a, demat account leh mutual funds/bonds ho chohna leh adang dang Rs 50,000/- chunglam.


Aadhar hi Unique Identification Authority(UIA) hopdoh ahivanga gapna hi UIA hilouvin Income Tax Department in anambeh joh ahi.

Masanga chu hiche gapna hin PAN bou ahuop ahi. Ahinlah September, 2019 lha akipan PAN leh Aadhar kah kilhehto theina aum tah jeh a, hiche gapna hin Aadhar jong ahuoptha ahitai.


Hijeh a chu nakigam/nakigam thei ahi:

* PAN manna ding khel a Aadhar naman a, Aadhar number dihlou napeh khah le.

* Transactions kicheh bolna hoa PAN/Aadhar na photchen lou leh.

* Aadhar number peh chaiya chu kichai ding hilouvin na hina khuolchilna aum khah a akitolou leh gapna'n najui ding ahi.


Hiche gapna dan thah hin banks leh financial institutions ho jong ahuoptha soh ahi.


0 views

© 2020 Digitalkuki.com